ادبی بیٹھک

  رشوت خور   علامہ اقبال کے ''شکوہ'' کی پیروڈی   تھی تو موجود ازل سے ہی مری حرص قدیم ہاں یہ رشوت ہے اس دور کی پروردہ سکیم چمن آرائی زر میں جو پریشاں ہے شمیم بو ۓ  زر پھیلتی کس طرح جو ہوتی نہ نسیم   پہلے تو پیٹ ہی بھرنے کی پریشانی تھی ورنہ اس وقت کہاں زر کی فراوانی تھی   ہے بجا شیوۂ تسلیم میں مشہور ہیں ہم آ کے دیتے ہیں جو احباب تو مجبور ہیں ہم کام دولت سے نکلتے ہیں تو معذور ہیں ہم مرد میداں ہیں کہ ہر داؤ سے معمور ہیں ہم   خوگر جرم تو دیتے ہیں دغا بھی سن لے بل پہ دولت کے ہے راشی کی وفا بھی سن لے   یوں اٹھا ۓ  ہو ۓ  عرضی سحر و شام پھرے کوئی ہاتھوں میں لیے جیسے تہی جام پھرے ہو کے مایوس نہ وہ بندہ آلام پھرے دے کے رشوت کہیں ممکن ہے کہ نا کام پھرے   یوں تو ہر کام میں اٹکا دیئے روڑے ہم نے صاحب زرنہیں بے زربھی نہ چھوڑے ہم نے   آ گیا گر کہیں دفتر میں کوئی بندہ نواز ہوس زر میں وہیں کھوئی گئی قوم حجاز نہ کہیں ’’رول‘‘ رہا اور نہ قانوں کا جواز پستی عملے کی گئی اور گیا حاکم کا فراز ''بنده صاحب ومحتاج وغنی ایک ہو ۓ  '' آ ۓ  رشوت کی ج...

      غزل ڈاکٹر شفیق آصف  انتخاب : عمیر آصف رہا ہوں کرب کی لہروں سے ہم کنار اب تک رہا ہوں کرب کی لہروں سے ہم کنار اب تک  ستا رہا ہے مجھے موسم بہار اب تک   ٹھہر گیا ہے ترا انتظار آنکھوں میں  گیا نہیں مری آنکھوں سے انتظار اب تک   چین اجاڑکے آندھی تو جا چکی لیکن  پرند پیڑوں میں بیٹھے ہیں بے قرار اب تک   یہاں شگفتہ ہواؤں کا کون طالب ہے یہاں تو حبس کا موسم ہے ساز گار اب تک   ہے اب بھی وقت اندھیروں کو مات دینے کا رواں ہے شب کے اسیروں میں یہ پکاراب تک   وہ  شخص لوٹ کے آ بھی چکا مگر آصف سوار ہے تری سوچوں پر برف زاراب تک تھاجو پیکر عالم تمثیل میں تھاجو پیکر عالم تمثیل میں آگیا ہے چشم تر کی جھیل میں   میرے دل کا پوچھتے ہیں مجھ سے آپ میرا دل ہے آپ کی تحویل میں   جس کی سانسوں میں ہے خوشبو ۓ  وصال ہے وہ منظر لمحہ  تکمیل میں   آپ جو چاہیں روا رکھیں سلوک سر بہ سر حاضر ہیں ہم تعمیل میں   جانے کیوں اس دور کا ہر  آدمی محو ہے ا نسان کی تذلیل میں ب ات ان سے مختصر کیجیے شفیق پڑ رہے ہو کس لیے تفصیل میں زندگی ک...

 کہانی پر کیف رات اپنے تبسم میں غم لیے  پسماندگان زیست پر نوحہ کناں رہی  میں حزن بے کراں تھا یا سیل غم حیات  ہر پل مری نگاہ میں اک روشنی رہی!  وہ روشنی کہ جس سے مرااسم زندہ تھا  وہ روشنی بسر کے کسی سے مری رہی! عہد وفا سے ناتہ مراٹوٹ بھی چکا لیکن وہ رفتگی ہے کہ یوں سوچتا ہوں میں  میری کہانی اس کو اگر یاد بھی نہ ہو میری پرستشوں کی نہیں انتہا کوئی  اس کے سلگتے سانس مری دھڑکنوں میں ہیں ! جب رات بھیگنے لگی میں سوگوار تھا!   تب چاندنی نے جھوم کے مجھ سے کہا چلو!  ان بستیوں میں چلتی ہواؤں کے درمیان  جن کا ہر ایک کو چہ لب بام حشر ہے  جن کے ہر ایک خیمے یہ لکھا ہے میرا نام !  نا آشنا ہوائیں ہیں برق نگاہ حسن  ان کی عنائتوں سے ہرے پیڑ جل گئے  ندی کا بہتا پانی بھی  شعلہ نفس ہوا! جی جگمگا اٹھا تھا، جگر جھلملا اٹھا  میرے گماں میں کوند گئی برق شبنمی اس کا جمال اپنی بقا کا بھرم لیے ہر پل مرے خیال سے بچتا رہا کہ میں ارض بہار عشق کا مالک تھا، پراسے محکوم ہو کے مجھ سے محبت نہ ہوسکی ! میرے لہو سے کرب کی چنگاریاں اٹھیں ...

  معین الدین نظامی  بھیڑا کیتا   نہ میں تیرا جھگا بھنیا  نہ میں تیرے ڈھگے کھولے   نہ میں تیریاں ڈاگاں نوں کدیں بھیڑا تکیا   نہ میں تیرا لاگھا ڈ کیا   نہ میں تیرے ایرے پٹے   نہ میں تیریاں کدھاں ڈھائیاں   نہ میں تیرا پانی بنھیا  نہ میں تیرے رکھ وڈھا ۓ   نہ میں تیرا بھونہہ چوایا   نہ میں تیری یگ تے ہسیا   نہ میں تیرے سجن چوری کیتے   نہ میں تیرے ویری کول بہا ۓ   نہ میں تیرے اگے آیا   نہ میں تیری آکڑ بھنی میں بس اپنے دل دی منی   میریاں ایہناں عملاں نے وی  تینوں مت نئیں دتی  الٹا تینوں چیڑا کیتا  لگدا اے میں بھیڑا کیتا

   پردۂ خاک   پر دہ خاک کے اس پارتری محفل میں   کون خوباں ہیں کہ جن کی آنکھیں   تیری باتوں کی مہک میں نم ہیں  پر دہ خاک کے اس پارا کیلے ہم ہیں  خیل درخیل ترے ہجر کے غم ہی غم ہیں  دل یہ کہتا ہے کہ یہ بھی کم ہیں  اجنبی دیس میں کس شہر میں تو رہتا ہے  کیا وہاں بھی یہی دکھ سہتا ہے   کیا وہاں بھی تجھے مجرم ہی کہا کرتے ہیں  وہ رویہ ہی رکھا کرتے ہیں   کون احباب ترے ساتھ رہا کرتے ہیں  تیرےاشعارسناکرتے ہیں   کون سرمایہ انجمن آرائی ہے   کون سامان شکیبائی ہے  کون مہمان سرخوان کرم رہتا ہے  کون مفلس کی زبوں حالی پر  تیرا دل وقف الم رہتا ہے   وہ جو خدمت میں کمر بستہ تھے  تیری الفت میں جگرخستہ تھے  ان کی یادیں تجھے آتی ہیں کبھی دل کے دروازے کی زنجیر ہلاتی ہیں کبھی   عشق، اس درد کا درماں ہوگا  حسن، ایواں کا درباں ہوگا  رحمتیں نازاٹھاتی ہوں گی   اپنے آغوش محبت میں سلاتی ہوں گی   پر دہ خاک کے اُس پار...