ادبی بیٹھک

    ہم بونے ہیں   اور ہم خوش ہیں خداوں کے ہر نئے  تازیانے پہ ہمیں یہ سہولت ہے کہ  ہماری تقدیر کو کئی  بار لکھا جاتا ہے ہمارے خدا ہم سے خراج مانگتے ہیں ہماری زبانوں کا سوالوں کا عزت کے شملوں کا اور  ہماری  دستاروں کا وہ خدا ہیں ہماری خودسری سے نالاں چہرے سپاٹ اور ہر احساس سے عاری اپنی  رعونت میں گم  اپنی اپنی طبیعتوں کے موافق  ہمیں دھیمی اور تیز آنچوں پہ      ہیں  پکاتے ہم ان کی بھٹیوں میں کندن بن کے خاموشی کا ہار گلے میں  پہن کے ہر سو پھیل جاتے ہیں زندگی کا انکار کرتے ہیں ہم میں سے کوئی انگارہ چٹخ کے بھٹی سے باہر گر جائے تو خداوں کی قہر بار آنکھوں میں جو مدتوں سے خشک  ہمیں گھور رہی ہیں خون کی نمی اتر آتی ہے اور وہ  ایڑی سے مسل دیا جاتا ہے چٹاخ،چٹاخ ہم بونے ہیں||قیصر شہزاد ساقی||Qaisar Shahzad Saqi||Nazm ham bony hain

  Public Hospital by Qaisar Shahzad Saqi|Urdu poetry|شہر مریضاں از قیصر شہزاد ساقی   شہرِ مریضاں (پبلک ہسپتال میں ایک      مریض کی عیادت کے دوران) یہ آہوں کا مسکن یہ درد کی دنیا بچھائے ہیں یہاں کتنی عفریتوں نے جال دکھوں سے ستائے ،زخموں سے نڈھال یہ غلام ابنِ غلام ابنِ غلام لوگوں کا ڈیرا یہ شہرِ مریضاں ، یہ شہرِ مردگاں یہاں کون مرہم ؟؟؟ اک نازنین گلے میں سٹیتھو سکوپ لٹکائے کھلی زلفوں کو کندھوں پہ لہرائے کئی    پیٹ بھرے عاشقوں کی دھڑکنوں     کی امیں جس کے ہر ایک قدم پہ نثار ہزار دل جس کے اندازِناز سے زندگی بال سنوارے اس شہر کے بے درماں    مکینوں کے لیے کوئی مرہم نہیں، کوئی مرہم نہیں یہ کیسے دیکھوں؟ سسکتے    ، کرلاتے    جسم جو سنگ و خشت سے کھیلتے زمین کےزخم    سیتے یہاں آخری ہچکی لینے آئے ہیں ایک ہال ۲۰بسترِ مرگ یہاں جب کوئی    مکیں کم ہوتا ہے تو سب بے بسی کے عالم میں آنکھیں چار کرتے ہیں اور اک دوجے کو دلاسہ دیتے ہیں ہر دکھ کا مداوا ہے    قیصر شہزاد ساقیؔ Public Hospital by...

     فکر اقبال پر مرتبہ کتب پہلا حصہ اقبال کی تصانیف یہاں ملاحظہ فرمائیں اقبال کے افکار  جو  کہ ان کی زندگی میں تو نہ چھپ سکے یا انھیں  کسی وجہ سے اقبال نے متروک کر دیا تھا وہ ان کی وفات کے بعد  مرتب کیے گئے۔ان میں اقبال کے ملفوظات ،مقالات و مضامین ،تقاریر و بیانات ،خطوط اور شعری کلام شامل ہے :- ۱-''اقبال کے نثری افکار'' مرتبہ  عبدالغفار شکیل   ۲۔''اوراق گم گشتہ'' مرتبہ ڈاکٹر رحیم بخش شاہین   ۳۔''حیات اقبال کے چند مخفی گوشے'' مرتبہ محمد حمزہ فاروقی   ۴۔''مضامین اقبال'' مرتبہ  تصدق حسین تاج   ۵۔''گفتار اقبال'' مرتبہ  محمد رفیق افضل   ۶-''حرف اقبال'' مرتبہ لطیف احمد شروانی   ۷۔''مقالات اقبال'' مرتبہ سید عبدالواحد معینی   ''    مرتبہ  شاملو   Speeches and Statements of Iqbal ''   ۸۔   ''    مرتبہ  شاملو   Speeches,Writings and Statements of Iqbal’’ ۹۔   ''    مرتبہ  سید عبدالواحد معینی Thoughts and Reflection of ...

   لیکچر نمبر:۶ تصانیف اقبال کا تعارف||Iqbal's Poetry books||اقبال کی تمام کتابیں||اقبال کی  مشہور کتابیں||muhammad iqbal books||Iqbals books and Explanations ڈاکٹر محمد قمر اقبال کا حضرت اقبال کی تصنیفات پر مفصل اور تحقیقی لیکچر  علامہ اقبال کی مشہور تصانیف تصانیف اقبال کا تعارف ۲۴۔اکتوبر ۲۰۲۱ء بزم فکر  اقبال پاکستان کے صدر جناب  پروفیسر ڈاکٹر قمر اقبال نے ۲۴۔ اکتوبر کو اقبال کی تصنیفات کے بارے میں ایک مبسوط لیکچر فراہم کیا جس میں اقبال کی تصنیفات کو ان کے سال اشاعت کی ترتیب سے شرکاء  کے گوش گزار کیا گیا۔یہ لیکچر معلوماتی سطح کا تھا فکر اقبال کے طالب علموں کو اقبال کی  فکر کے سرچشموں سے کماحقہ  آگاہ ہونا چاہیے اوریہ لیکچر اس سلسلے میں بھر پور معاونت فراہم کرتا ہے اقبال کی شاعری کی کتب ،نثری کتب ،تراجم اوران کے بعد مرتبہ کتب جو ان کی وفات کے بعد اکٹھی کی گئیں سب اس لیکچر میں جمع کر دی گئی ہیں اور اس کے ساتھ ہی حوالہ جاتی کتب بھی قارئین کو لکھوا دی گئی ہیں اپنے مشمولات کے لحاظ سے یہ لیکچر کافی اہم ہے جس میں اقبال کی کتابیات تیار ہو گئی ہے ۔ڈاک...

  بہمنی دور کا ادب اردو ادب کی مختصر تاریخ نوٹس||بہمنی دور کا ادب پہلا حصہ پڑھنے کے لیے یہاں دبائیں ظفر خاں افغاں نے بہمنی سلطنت    دکن کے علاقوں پر قائم    کی جو دو سو سال    تک قائم رہی ۔اس دور میں اردو زبان و ادب کی    خوب ترویج ہوئی اور نادر تصنیفات تخلیق ہوئیں اہم شعرا اور ان کی تصنیفات:۔ فخرالدین نظامیؔ ان کی مثنوی ’’ کدم راؤ پدم راؤ ‘‘ جو    ’’ مثنوی نظامی‘‘ کے نام سے بھی مشہور ہے اردو کی پہلی مثنوی ہے۔ مشتاقؔ مشتاقؔ کی پانچ غزلیں ڈاکٹر جمیل جالبی نے مرتب کر کے شائع کر دی ہیں لطفیؔ لطفیؔ کی ایک غزل اب تک کی تحقیق میں سامنے آ چکی ہے ۔ خواجہ بندہ نواز گیسو دراز(وفات:۱۴۲۲) ان کے خانوادے نے تصوف کے حوالے سے اردو زبان کی بہت خدمت کی ۔ان کی تصانیف ’’ چکی نامہ‘‘ ،’’ معراج العاشقین‘‘ کے علاوہ ۱۲ رسائل بھی ان کے نام سے منسوب ہیں جن میں سے کچھ تصانیف رد بھی ہو چکی ہیں۔ شاہ میراں جی شمس العشاق(۱۴۰۷ تا ۱۴۹۸) شاہ میراں جی شمس العشاق    کی اہم تصانیف میں ’’ شہادت الحقیقت‘‘ ، ’’ خوش نامہ ‘‘ ، ’’ خوش نغز‘‘ اور ’’ مغز مرغوب‘‘ ہیں۔ ...

   اردو تاریخ    نوٹس مرتب :قیصر شہزاد ساقیؔ یہ اردو زبان و ادب کے ارتقا کے نوٹس ہیں جن کا    بنیادی ماخذ’’اردو ادب کی تاریخ‘‘ از تبسم کاشمیری اور دوسری تواریخ ہیں۔ زمانہ طالب علمی میں  لیکچرر اور دوسرے اردو امتحانات    کے لیے تاریخ کا مطالعہ کیا اور نوٹس لیے تھے جنھوں نے پی پی ایس سی  میں سلیکشن کے دوران بہت مدد کی تھی     اب ان کو اکٹھا کرنے کا خیال ہواامید ہے یہ اردو کے طلبا کو ضرور پسند آئیں گے اور    آئندہ امتحانات میں    ان کی مدد    کریں گے: ·          شمالی ہند میں    ابتدائی زبان و ادب کا جائزہ مسعود سعد سلیمان(۱۰۴۸ ؁تا    ۱۱۲۱) ان کے عربی ، فارسی اور ہندوی دیوان کا ذکر ملتا ہے۔ امیر خسرو ؔ نے ان سے ۱۵۰ سال بعد ان کے دیوان کا ذکر کیا ہے    مگر ہندوی    کلام کا نمونہ دستیاب نہیں ہے ۔ ·          بابا فرید گنج شکر (؁۱۱۷۳ تا ۱۲۶۶) بابا فرید گنج شکر    کے منظو...