ibrahim ali zeeshan poetry|Urdu best Ghazal|اردو شاعری غزل|ابراہیم علی ذیشان کی شاعری

غزل

دل کسی کا نہ ہوا ایک خریدار کے بعد

لوگ بازار لگا لیتے ہیں بازار کے بعد

قتل کرکے بھی ہمیں دل نہیں بھرتا ان کا

لات بھی مارتے ہیں جسم پہ تلوار کے بعد

خود کو بد بخت کہوں یا میں کہوں خوش قسمت

میری بینائی گئی ہے تیرے دیدار کے بعد

دکھ تو یہ ہے کہ میں اس سے بھی بہت پیچھے ہوں

جس نے رفتار بڑھائی میری رفتار کے بعد

غزل

میں مر گیا تھا جنھیں موت سے بچاتے ہوئے

وہ ہنس رہے ہیں میرا مرثیہ سناتے ہوئے

مرے ہیں جب سے میرے لوگ آگ میں جل کر

میں کانپتا ہوں چراغوں کے پاس جاتے ہوئے

کبھی کبھی میرے دل کی اداس راہوں سے

تمھاری یاد گزرتی ہے مسکراتے ہوئے

یہاں کے لوگ اندھیرا پسند کرتے ہیں

نہ جانے کیسا لگوں گا دیا جلاتے ہوئے

غزل

تو مجھے یاد کرے ایسا طریقہ نکلے

میری یک طرفہ محبت کا نتیجہ نکلے

تیری آنکھوں میں دکھائی دے محبت میری

بے نمازن تیرے بستے سے مصلیٰ نکلے

اتنی خاموشی سے نکلے ہیں تیرے شور سے ہم

جیسے بازار کے مجمعے سے جنازہ نکلے

تیری راہوں میں بھٹکتے ہوئے موت آ جائے

اورایسے میں مری جیب سے نقشہ نکلے

ایسے نکلی تھی مرے سامنے اس منہ پہ حیا

جیسے رقاصہ کی الماری سے برقعہ نکلے

ورنہ ہم کب کے چٹانوں میں پھنسے مر جاتے

پاؤں کاٹے تو تیرے دشت سے زندہ نکلے

آج آ ؤں گا تیرے پاس محبت لے کر

مدتیں ہو گئیں عزت کا جنازہ نکلے

غزل

ہم کیوں زمیں کا بوجھ اٹھائیں اڑان میں

مٹی کا کوئی کام نہیں آسمان میں

جاناں برا نہ ماننا میں نے تمھارا نام

کچھ اور لکھ دیا ہے میری داستان میں

تھوڑا سا چارا دیکھ کے بستی کی بکریاں

غزلیں سنا رہی ہیں قصائی کی شان میں

ابراہیم علی ذیشان

:مزید پڑھیں

تبصرے

اس بلاگ سے مقبول پوسٹس

نظم ’’ کہانی‘‘ از قیصر شہزاد ساقی ||Kahani nazm az Qaisar Shahzad Saqi

کہانی ...

رات از قیصر شہزاد ساقیؔ||mother Day||ماں کی وفات پر ایک نظم |Qaisar Shahzad Saqi

عنوان: رات ماں ! وہ کالی رات جس کے بعد سویرا نہ ہوا۔۔۔۔۔ جس کے نقش یادوں کے پارہ پارہ وجود سے آج تک نہ مٹ پائے اس رات تقدیر تاریکی کے پیراہن میں تیرے سرہانے کھڑی تھی میں خاموش تماشائی مصلحت کی عینک سے ان ہاتھوں کو جنھوں نے ہزاروں خواہشوں لاکھوں آرزؤں پر مٹی ڈالی تھی تیری اور بڑھتے ہوئے دیکھ رہا تھا (بے بس،ڈرپوک دہن ساکت جیسے خواب میں موت کو سامنے دیکھ کے لب نہ ہلیں آواز کہیں سینے سے بھی نیچے دب جائےقدم اٹھنے سے انکار کر دیں اور بازو نیم مردہ ہو کے لڑھک جائیں ) میری ماں ! اس رات کتنا سکوت تھا جیسے ہم ٹھہری ڈوریوں پہ سہمے پتلے اور موت تماشائی۔۔۔۔۔۔۔۔۔ نوٹ:یہ نظم اس سے پہلے سہ ماہی "فن زاد"اور آن لائن رسالہ "سمت" میں شائع ہو چکی ہے

Mahnoor Rana Best Ghazal||Urdu Best Emotional Ghazal||اردو کی بہترین غزل ||ماہ نور رانا کی شاعری

غزل ماہ نور رانا آدمی اپنے ہی اندر جست بھر پاتا ہے کیا؟ اور اگر بھر لے پھر وہ لوٹ کر آتا ہے کیا؟ Admi apny hi andar jast bhar pata hai kia? Aur agar bhar lay phr who lot kar aata hai kia? پیاس کے ماروں سے کوئی اوک بھرواتا ہے کیا؟ خیر ان باتوں سے تجھ کم فہم کا ناتا ہے کیا؟ Piyas k maroon se koi ook bharwata hai kia? Khair in baton se tujh kam fahm ka nata hai kia? واقعہ دہرا رہی ہوتی ہے جب یہ داستاں اس سمے راقم بھی اپنا آپ دہراتا ہےکیا ؟ Waqia duhra rahi hoti hai jb ye dastan Us samay raqim bhi apna ap duhrata hai kia? یہ جو میرے خون کی گلکاریاں ہیں خاک پر ان کا سہرا بھی میرے قاتل کے سر جاتا ہے کیا؟ Ye jo mery khon ki gulkarian hain khak par In ka sehra bhi mery qatil k sar hai kia??? فکر کا یہ جانور پالا ہوا ہے شوق سے کیا بتائیں اب تمھیں پیتا ہے کیا کھاتا ہے کیا؟ Fikr ka ye janwar pala hua hai shouq se Kia batayen ab tmhin peeta hai kia , khata hai kia? کھیلتے ہیں اس سگ افکار سے ہم رات دن گیند پھینک کر ...

Adabi Baithak

یہ بلاگ تلاش کریں