دستور
حبیب جالب
دیپ جس کا محلات ہی میں جلے
چند لوگوں کی خوشیوں کو لے کر چلے
وہ جو سائے میں ہر مصلحت کے پلے
ایسے دستور کو صبح بے نور کو
میں نہیں مانتا میں نہیں جانتا
Deep jis ka mehlaat hi mein jale
Chand logon ki khushiyon ko le kar chale
Woh jo saaye mein har maslihat ke pale
Aise dastoor ko subah be-noor ko
Main nahin maanta main nahin jaanta
میں بھی خائف نہیں تختۂ دار سے
میں بھی منصور ہوں کہہ دو اغیار سے
کیوں ڈراتے ہو زنداں کی دیوار سے
ظلم کی بات کو جہل کی رات کو
میں نہیں مانتا میں نہیں جانتا
Main bhi khaif nahin takht-e-daar se
Main bhi Mansoor hoon keh do aghyaar se
Kyun daraate ho zindaan ki deewaar se
Zulm ki baat ko jahl ki raat ko
Main nahin maanta main nahin jaanta
پھول شاخوں پہ کھلنے لگے تم کہو
جام رندوں کو ملنے لگے تم کہو
چاک سینوں کے سلنے لگے تم کہو
اس کھلے جھوٹ کو ذہن کی لوٹ کو
میں نہیں مانتا میں نہیں جانتا
Phool shaakhon pe khilne lage tum kaho
Jaam rindon ko milne lage tum kaho
Chaak seenon ke silne lage tum kaho
Is khule jhoot ko zehan ki loot ko
Main nahin maanta main nahin jaanta
تم نے لوٹا ہے صدیوں ہمارا سکوں
اب نہ ہم پر چلے گا تمہارا فسوں
چارہ گر دردمندوں کے بنتے ہو کیوں
تم نہیں چارہ گر کوئی مانے مگر
میں نہیں مانتا میں نہیں جانتا
Tum ne loota hai sadiyon hamara sukoon
Ab na hum par chalega tumhara fasoN
Chaara gar dard-mandon ke bante ho kyun
Tum nahin chaara gar koi maane magar
Main nahin maanta main nahin jaanta
حبیب جالب
تبصرے
ایک تبصرہ شائع کریں