مزاحیہ لطیفے اردو|ادبی لطیفے اردو| ادبی لطائف|lateefon ki dunya|Urdu Jokes||urdu latify|mazahiya lateefy|لطیفے ہی لطیفے
دوسری شادی ہوئی آسان
میری دوسری شادی ہوجائے گی، سوچا بھی نہ تھا۔ دوستوں کو اطلاع بھی نہ کر سکا۔ بس آناً فاناً نکاح ہوا اور رخصتی بھی ہو گئی۔
حیرت یہ ہے کہ بیگم نے خوشدلی سے اپنی سوتن کو بہن بنا لیا۔ بچے تو ماں کہہ کر لپٹ گئے۔ والدہ بھی شاد ہیں۔ میری نئی بیوی بے انتہا خوش اخلاق ثابت ہوئیں اور انہوں نےبھی سارے گھر کے افراد کو اپنا سمجھا۔
ہماری پہلی ملاقات پہلی بیگم کے ساتھ ہی ایک شاپنگ سینٹر کے کیفے ٹیریا میں ہوئی تھی۔ وہیں ہماری پہلی بیگم نے ان کو ہمارے لیے پسند کیا۔ کب بات شادی تک پہنچ گئی پتہ بھی نہ لگا۔
پہلی بیگم نے انتہائی ضد کر کے ہمیں ہنی مون پر بھیجنے کی تیاری کررکھی ہے اور مصر ہیں کہ آپ دونوں ہنی مون پر جائیں جیسے آپ مجھے لے کر گئے تھے۔ کہتی ہیں کہ اگر پیسے کم پڑے تو وہ دینے کو تیار ہیں کیونکہ ان کی پچھلے دنوں ہی تین لاکھ کی کمیٹی نکلی ہے۔
میں کافی دیر سے یہ سوچ رہا ہوں کہ آخر وہ کون سے گھر ہوتے ہیں جہاں دوسری شادی کی وجہ سے جھگڑے ہوتےہیں اور ایک جنگ کا سا ماحول ہوتا ہے۔ اپنے گھر کو دیکھتا ہوں تو جنت لگتا ہے۔
بیگم نے رات گیارہ بجے زبردستی ہم دونوں کو کمرے میں دھکیل کر دروازہ بند کر دیا۔ ساتھ ہی بچوں کو شور شرابے سے سختی سے منع کر دیا۔ آج صبح ناشتہ حجلہ عروسی میں پیش کیا اور اپنی ساتھی (سوتن لکھنے میں مجھےکوفت ہو رہی ہے) کو اپنے ہاتھوں سے نوالے بنا کر کھلائے۔ ساتھ ہی ساتھ چھیڑنے کے انداز میں کن انکھیوں سے ہم دونوں کو دیکھتی رہیں۔ ایسی بیویاں قسمت والوں کو ملتی ہیں۔
کل رات ہم ہنی مون پر ترکی نکل جائیں گے۔ بیگم نے یقین دہانی کروائی ہے کہ میری غیر موجودگی میں وہ بچوں کی فیس، بجلی کابل، گھر کا راشن اور باقی ذمہ داریاں سنبھال لیں گی۔
میرا مشورہ ہے کہ آپ سب بھی اپنے گھر میں یہ ماحول بنائیں۔ محبت سے رشتوں کو قائم رکھیں اور اپنی بیوی کو اعتماد میں لیں۔ دیکھیے کہ دوسری بیوی ایک دن بعد ہی کہہ رہی ہے کہ تیسری میں آپ کے لیے خود تلاش کروں گی۔
ناول ” بلی کے خواب میں چھچڑے “ سے اقتباس
عوامی مقامات پر موبائل کا استعمال
آفس سے تھکی ہاری خاتون چھٹّی کے بعد گھر جانے کے لئیے
🙉🙉🙈😂
بس میں سوار ہوئی،
سیٹ پر بیٹھ کر آنکھیں موند کر تھوڑا سا ریلیکس کرنے
کی کوشش کرنے لگی۔۔
ابھی بس چلی ھی تھی کہ اگلی قطار میں بیٹھے ایک
صاحب نے اپنا موبائل نکالا اور اونچی آواز میں گفتگو
شروع کر دی۔
اُن کی گفتگو کچھ اس طرح سے تھی: ’’جان میں غفور بول
رہا ہوں، بس میں بیٹھ گیا ہوں اور گھر ھی آ رھا ھوں،
ہاں ہاں مجھے پتہ ہے کہ سات بج رھے ہیں پانچ نہیں، بس
زرا آفس میں کام زیادہ تھا اس لئے دیر ہو گئی‘‘۔
’’نہیں جان، میں شبنم کے ساتھ نہیں تھا، میں تو باس کے
ساتھ میٹنگ میں تھا‘‘۔
’’نہیں جان، صرف تم ہی میری زندگی میں ہو‘‘۔
’’ہاں قسم سے۔۔۔
اس اونچی آواز میں مسلسل گفتگو سے خاتون کا سارا
ریلیکس کرنے کا پروگرام غارت ھو چکا تھا اور وہ بہت ان
ایزی محسوس کر رھی تھی ۔کافی دیر بعد تک بھی جب یہ
سلسلہ جاری رھا تو خاتون کی ھمّت جواب دے گئی ، وہ
اٹھّی اور فون کے پاس جا کر زور سے بولی۔
’’غفور ڈارلنگ، فون بند کرو، بہت ہو چکا۔ اس پاگل عورت
کو کتنی صفائیاں دو گے؟ ‘‘
اب غفور صاحب ہسپتال سے واپس آ چکے ہیں لیکن پبلک
مقامات پر انہوں نے موبائل کا استعمال مکمل طور پر بند
کر دیا ہے۔🙉😂
کوئی ٹیم فارغ نہیں ہے
بستر پر جاتے وقت 81 سالہ بڑی بی نے 83 سالہ میاں سے کہا:
"سنو.. ابھی میری نظر کھڑکی سے باہر گئی تو مجھے لگا کہ گیریج کی بتی جل رہی ہے۔ کیا تم اٹھ کے اسے بند کر آؤگے؟"
بڑے میاں بڑی مشکل سے بستر سے نکلے، دروازہ کھول کر باہر نکلے تو دیکھا کہ پانچ چھ نقب زن گیریج کے دروازے سے چھیڑ چھاڑ کر رہے ہیں۔ بڑے میاں نے وہیں سے پولیس اسٹیشن فون کیا۔
"دیکھو۔۔۔میرا پتہ لکھو۔ ہم صرف دو بوڑھے میاں بیوی گھر پر ہیں اور پانچ چھ چور میرے گیریج پر حملہ آور ہوئے ہیں۔ جلدی کسی پولیس ٹیم کو بھیجو۔۔۔"
دوسری طرف سے ڈسپیچر کی آواز آئی:
"ہم نے آپ کا پتہ لکھ لیا ہے ۔ بے فکر رہیں۔ ابھی کوئی ٹیم فارغ نہیں۔ جیسے ہی کسی ٹیم سے رابطہ ہوتا ہے میں فوراً بھیجتا ہوں"
بڑے میاں خون کے گھونٹ پی کے رہ گئے۔ نقب زن ابھی تک گیریج کے تالوں سے الجھے ہوئے تھے۔ دو منٹ بعد انہوں نے پھر پولیس اسٹیشن فون کیا:
"سنو۔۔۔اب کسی کو بھیجنے کی ضرورت نہیں۔ میں نے ان پانچوں کو گولی مار دی ہے۔۔۔"
پولیس اسٹیشن میں کھلبلی مچ گئی۔ پانچ منٹ کے اندر اندر پولیس ٹیم ایک ہیلی کاپٹر، ایک پیرا مڈیکس، تین ڈاکٹرز اور دو ایمبولنس کے ساتھ گلی میں نمودار ہوئی۔ جلد ہی ان مجرموں پر قابو پا لیا گیا۔ بعد ازاں ٹیم کا انچارج ٹہلتا ہوا بڑے میاں کے پاس آیا:
"آپ نے تو کہا تھا کہ آپ نے انہیں گولی مار دی ہے؟"
"اور آپ لوگوں نے بھی تو کہا تھا کہ کوئی ٹیم فارغ نہیں ہے"🚶(کاپی شدہ)
مزید لطائف پڑھنے کے لیے یہاں دبائیں
 |
| مزاحیہ لطیفے اردو|ادبی لطیفے اردو| ادبی لطائف|lateefon ki dunya|Urdu Jokes||urdu latify|mazahiya lateefy|لطیفے ہی لطیفے |
تمام لطائف کاپی شدہ ہیں سوشل میڈیا اور کتابوں سے ماخوذ
تبصرے
ایک تبصرہ شائع کریں