love urdu poetry||urdu poetry 2 lines text attitude||urdu poetry 2 lines text||اردو کے جدید شعرا کے منتخب اشعار

 

 جدید غزل کے نئے چہروں کے اچھوتے اور منفرد اشعار کا مجموعہ

تھک گئے ہو تو تھکن چھوڑ کے جا سکتے ہو

تم مجھے واقعتاً چھوڑ کے جا سکتے ہو

....................................

ہم درختوں کو کہاں آتا ہے ہجرت کرنا

تم پرندے ہو وطن چھوڑ کے جا سکتے ہو

....................................

بہت سے طیش میں آئے ،کئی اداس آئے

کسو نے منہ نہ لگایا تو میرے پاس آئے

....................................

تم سے پہلے بھی کچھ لوگوں کو  ایسی خوش فہمی  تھی

آنکھیں ماتھے پر رکھنے سے قد اونچا ہو جاتا ہے

عمار اقبال

....................................

اف  تلک کرتے نہیں ظل  الٰہی کے خلاف

آپ کو دربار کی عادت ہے ، درباری ہیں آپ

 

عباس قمر

...................................

پیاس  کے ماروں سے  کوئی اوک بھرواتا ہے کیا

خیر ان باتوں سے  تجھ کم فہم کا ناتا  ہے کیا

ماہ نور رانا

ماہ نور رانا  کی مکمل غزل  پڑھنے کے لیے یہاں دبائیں

 

۔۔۔۔۔۔۔۔۔۔۔۔۔۔۔۔۔۔۔۔

دکھ تو یہ ہے کہ میں اس سے بھی  بہت پیچھے ہوں

جس نے رفتار بڑھائی  میری رفتار کے بعد

۔۔۔۔۔۔۔۔۔۔۔۔۔۔۔۔۔۔۔۔۔

صرف پچھتاوا ہوا  ہے ہمیں تجھ سے مل کر

کبھی گفتار سے پہلے ، کبھی گفتارکے بعد

۔۔۔۔۔۔۔۔۔۔۔۔۔۔۔۔۔۔۔۔۔

ہم کسی اور کے ہو جائیں تو حیرت کیسی

تم نے جو زخم دیے ہیں انھیں بھرنا بھی تو ہے

۔۔۔۔۔۔۔۔۔۔۔۔۔۔۔۔۔۔

میں مر گیا تھا جنھیں  موت  سے بچاتے ہوئے

وہ ہنس رہے ہیں میرا مرثیہ سناتے ہوئے

۔۔۔۔۔۔۔۔۔۔۔۔۔۔۔۔۔۔۔

ہم کیوں زمیں کا بوجھ اٹھائیں اڑان میں

مٹی کا کوئی کام نہیں آسمان میں

ابراہیم علی ذیشان

 

ابراہیم علی ذیشان کی غزلوں کا انتخاب پڑھنے کے لیے یہاں دبائیں

 

۔۔۔۔۔۔۔۔۔۔۔۔۔۔۔۔۔۔۔

لوگ جھگڑے میں نوالے بھی گنا دیتے ہیں

تربیت کیسی ہوئی ہے یہ بتا   دیتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔

ایسے لوگوں سے تو دوری ہی رہے بہتر ہے

جو برے وقت میں اوقات دکھا دیتے ہیں

۔۔۔۔۔۔۔۔۔۔۔۔۔۔۔۔۔۔۔۔۔

میں نے الفت میں منافع کا نہیں سوچا تھا

میرا نقصان  زیادہ نہیں ہونے والا

ہمانشی بابرہ

 

ہمانشی بابرہ کی بہترین غزلوں کا انتخاب پڑھنے کے لیے یہاں دبائیں

۔۔۔۔۔۔۔۔۔۔۔۔۔۔۔۔۔۔۔۔

جو خاندانی رئیس ہوں مزاج رکھتے ہیں نرم اپنا

تمھارا  لہجہ بتا رہا ہے  تمھاری دولت نئی نئی ہے

۔۔۔۔۔۔۔۔۔۔۔۔۔۔۔۔۔۔۔۔

ذرا سا قدرت نے کیا نوازا ، کہ آ کے بیٹھے ہو پہلی صف میں

ابھی سے اڑنے لگے ہوا میں ، ابھی تو شہرت نئی نئی ہے

۔۔۔۔۔۔۔۔۔۔۔۔۔۔۔۔۔۔۔

بموں کی برسات ہو رہی ہے ، پرانے جانباز سو رہے ہیں

غلام دنیا کو کر رہا ہے ، وہ جس کی طاقت نئی نئی ہے

شبینہ ادیب

مزید اردو شاعری ملاحظہ فرمائیں

• اردو  کے مشہور شعرا  کی غزلیات یہاں پڑھیں
• اردو کی مزاحیہ شاعری کا یہاں مطالعہ کریں
• علامہ محمد اقبال کی شاعری اور تفہیم کے لیے یہاں وزٹ کریں
• ناصر کاظمی کی حیات اور شاعری یہاں پڑھیں
• اردو ادب کی تاریخ کا مطالعہ کرنے کے لیے یہاں دبائیں

love urdu poetry||urdu poetry 2 lines text attitude||urdu poetry 2 lines text||اردو کے جدید شعرا کے منتخب اشعار